Ua faatofa atu le faiaoga sa iai o le Crusaders, Scott Robertson i lana kalapu ma paaga ina ua mae’a ona toe faamautu le lona fitu o manumalo a le kalapu le Super Rugby talu ona iai le ‘au i lalo o lana taitaiga.
O Robertson, 48 tausaga o le soifua ma ua faasauni e sui tulaga ia Ian Foster i le tausaga fou i le taitaia o le ‘au a le atunuu le All Blacks.
E lei māmā ia Robertson le māvae ma lana kalapu ma e itulau atoa lana faamavaega ua faasalalau i le nusipepa The Press e faafetaia ai le kalapu ma i latou uma sa lagolago i lona taimi a o iai i le kalapu.
O Rob Penney lea o le a sui tulaga ia Robertson i le kalapu a le Crusaders e amata i le taamilosaga o le 2024.
