Ua mae’a pasia e le Palemene a Isaraelu se tulafono ua faataga ai le Malo ona toe tipoti ese mai le atunuu aiga o tagata ua faamaonia moliaga faatupu faalavelave, solitulafono e aofia ai ma sitiseni lava o Isaraelu.
O lea tulafono sa folasia e se sui mai le vaega faaupufai a le Palemia le Likud Party ma e aofia ai tauaiga o i latou e solia le tulafono ma faiga faatupu faalavelave.
Fai mai faalapotopotoga tau aiātatau i Isaraelu e lē faavaea ia ituaiga tulafono.
O nisi e tetee iai ua o latou ta’ua ua taula’i sa’o ane lea tulafono i tagata Palesitina e sitiseni i Isaraelu lea e masani ona faaigoa o Israeli Arabs.
O le tulafono o le a faataga ai le toe tipoti ese o tagata o aiga ia mai Isaraelu.
Aiga o i latou sa latou faaleo le fiafia ma lagolago i ni faiga faatupu faalavelave poo se faalapotopotoga faatupu faalavelave foi.
Saunoa se tasi o foma’i i mataupu faapolokiki Dr Dahlia Scheindlin i le BBC e lē fesiligia le tulaga e faatatau i le tulafono lea, o se tulafono ua faaagaga sa’o lava mo Alapi Isaraelu ma le ‘au Palesitina, ailoga a iai se tagata Iutaia sitiseni Isaraelu e tipotia i lalo o lea tulafono.
Fai mai pe ā ma le 20 pasene o le faitau aofa’i o le atunuu o tagata Palesitina e sitiseni Isaraelu.
Puna o Faamatalaga: https://www.bbc.com/news/articles/c1mlp9xdxl1o
