E ono a’oga a Malo Aufaatasi i le itu i Sasae o Ierusalema ua osofa’ia e vaega’au a Isaraelu ma ua faatonuina e tapuni mo le 30 aso.
O le faamatalaga lea ua lipotia mai e le UNRWA poo le United Nations Agency for Palestinian refugees ma le Matāgaluega o A’oga a Isaraelu.
Fai mai e 800 tamaiti a’oga o le a aafia ai i le tapunia lea o a’oga ma e foliga e i’u ina lē uma le tausaga a’oga.
Fai mai se komesina o le ofisa lea o Malo Aufaatasi, Phillippe Lazzarini o a’oga a Malo Aufaatasi o loo puipuia i aiaiga ma tuutuuga a Malo Aufaatasi ma o le osofa’ia e Isaraelu ma le poloa’iina o le tapunia o ia a’oga, ua oia ai ia puipuiga.
Fai mai le matāgaluega o a’oga a Isaraelu ua fautuaina mātua o tamaiti a’oga ia lesitala fanau i isi a’oga.
Ua leva ona finau Isaraelu e faatā’ape le ofisa lea o Malo Aufaatasi ona o le latou finau, o nisi o sui o le ofisa lea o ni tagata o le Hamas ma o loo latou a’otauina tamaiti i ia a’oga ia feita ia Isaraelu.
Puna o Faamatalaga: https://edition.cnn.com/2025/04/09/world/israel-raids-east-jerusalem-schools-closures-intl/index.html
