O osofa’iga a Isaraelu i se togālauapiga a tagata sulufa’i Palesitina, refugee camp i le itu i Saute o Lepanona ua fasiotia ai tagata e to’a 13 e pei ona faamaonia e le Soifua Mālōlōina a lea atunuu.
E iai isi o loo manunu’a mai nei osofa’iga ma o loo tala’u pea i le falema’i mo togafitiga.
Fai mai molimau o se drone na aga’i sa’o ane i se taavale e lata i le faletapua’i i totonu o lea togālauapiga, sosoo atu ai ma missiles na tafana sa’o atu i lea nofoaga.
O le faamatalaga mai ia Isaraelu o osofa’iga na faia sa taula’i i se nofoaga mo toleniga a le Hamas lea e faaaogā e faatino ai osofa’iga faasaga ia Isaraelu.
O loo ta’ua e le CNN ua silia i le 2 tausaga o faia pea lava osofa’iga a Isaraelu i Lepanona e taula’i lava foi i le Hezbollah ma isi vaega o le militeli a Palesitina.
Puna o Faamatalaga: https://edition.cnn.com/2025/11/18/middleeast/israeli-strikes-palestinian-refugee-camp-lebanon-latam-intl
