O le vaiaso nei ua faapotopoto ai tagata Isaraelu i vaega eseese o lo latou atunuu e faamanatu le 2 tausaga o le faalavelave na osofa’ia ai i latou e le Hamas i le 2023, a o faaauau ai pea talanoaga i Aikupito e faatatau i se maliega e faamuta ai le taua i Gaza.
E pei ona silafia ua to’atele tagata ua maliliu i lenei taua ma nisi na ave faapagota.
I se pepa o faamatalaga ua ta’ua ai e le Palemia o Netanyahu, ua faaali lava e Isaraelu lona lava onosa’i e ui i le tele o mafatiaga sa feagai ai.
Ua folafola foi e Netanyahu o le a ia faataunuu uma ana moemitiga o le taua e pei o le toe faafoi mai o i latou na ave faamalosia, o le aveesea atoa o le Hamas ma le folafolaga e lē toe iai se lamatiaga o Isaraelu mai ia Gaza.
O loo faia pea talanoaga i le taimi nei ma o loo talotalo le to’atele ia taunuu ia talanoaga i se maliega autasi ma faamuta loa le vevesi i lea itu o le lalolagi.
Puna o Faamatalaga: https://www.bbc.com/news/articles/c24rj4pg05no
