Ua upuia e le Sui Peresetene o Amerika o JD Vance ma le failautusi o le malo o Amerika, Marco Rubio se gaioiga a le Palemene o Isaraelu aga’i i le ave faamalosia o nofoaga ua nofoia i le West Bank.
I le i’uga o le faimalaga atu o le malaga a Vance i Isaraelu ua ia ta’ua ai o se faiga faavalevalea tele lea faapolokiki ua faia ma ua mae’a faailoa atu ia Isaraelu o le gaioiga ua latou faia ua faamata’u ai ma le fuafuaga a Trump e faamuta le taua i Gaza.
Ua mae’a faailoa ane e Netanyahu o se tulaga faavalevalea tele ua tula’i mai ma e le’i palota iai lana vaega faaupufai.
Ta’ua foi e Netanyahu o le fuafuaga a Amerika mo Gaza o le a avea foi ma a latou fuafuaga.
O loo iai foi se faatalanoaga a Trump sa lipotia i le Time magazine afai ae tupu le tulaga lea o le ave faamalosia o le West Bank o lona uiga o le a toe faalēaogāina uma le fesoasoani a Amerika mo Isaraelu.
Puna o Faamatalaga: https://www.bbc.com/news/articles/cn8xvj108z9o
