Ua faailoa e le atunuu o Iran ua sauni e faia ni faatalanoaga ma Amerika e faatatau i lana polokalame faaniukilia pe afai e faamuta loa faamata’u tau militeli o loo faia atu.
Na faailoa e le minisita o le va i fafo a Iran o Abbas Araghchi e tatau ona muamua ioe ane le Peresetene, Donald Trump i le mataupu lea i le militeli.
O Trump na aveesea mai Amerika mai le maliega faaniukilia na faia i le 2015 i le va ma Iran ma isi atunuu o le lalolagi i le taimi na Peresetene ai muamua ma sa ia faailoa foi e tele atu se tulaga lē lelei o le a iai Iran pe a leai se tonu e maua i talanoaga.
O loo tumau pea le finau ane a Iran o ana gaioiga e faatatau i meatau niukilia o loo filemu lava ma e lē o naunau foi e faalautele atu.
O le Aso Toonai o le vaiaso nei ua feta’ua’ina o le a faataunuu ai le talanoaga lea i le va o Amerika ma Iran ma o loo talitalia e le to’atele se i’uga o le a iai.
Puna o Faamatalaga: https://www.bbc.com/news/articles/cd6j5l5w1lxo
