Ua malie le puleganuu a Nelson e na te toe faatauina fale lea na faaleagaina e palapala solo mai tagata taitoatasi e anaina.

I fuafuaga mamao a le puleganuu ua ia ioeina ai le tau atoa e $12.3 miliona mo galuega toe faaleleia ona o aafiaga mai lologa, ma i totonu o lea aofai o loo sau ai ma le $6 miliona e faatau ai fale na faaleagaina ona o uiga louloua o le tau na iai ia Aokuso o le 2022.

O se laasaga ua ausia i le mae’a tatala o le avanoa i tagata lautele mo finagalo faaalia, lea na fai mai ai le 56% latou te lagolagoina.

E iai nisi o councillors e lei muai auai i le fuafuaga ua iai nei, peitai na toe liuliu ina ua uma le avanoa na tapa ai finagalo o tagata lautele.

Ae mai le pulenuu ia Nick Smith, o le laasaga mulimuli ma o le laasaga aupito i faigata foi lea ua ausia ma o se taunuuga manuia e ui i le umi tele ona faataamilo lea toeititi lua tausaga.

Puna o Faamatalaga: https://www.rnz.co.nz/news/national/517979/council-to-buy-out-nelson-homes-affected-by-slips-from-private-land