O le alofa tele o le leoleo i lana uo ina ua faalumaluma e tuaoi na alu ai loa su’e faila a le aiga i faamaumauga a le ofisa o leoleo ae toe faasalalau i luga o le Facebook.
O Kayla Watson, 28 tausaga o se tasi o sui sinia i le ofisa o leoleo ma ua ia ioeina foi lona moliaga o lona faaaogaina o faamaumauga a le ofisa i se auala le sa’o.
O le system lenei o le National Intelligence Application o loo teu malu ai faamaumauga o le tusa ma le faitau miliona o tagata Niu Sila, peitai o lea na aapa iai Watson ina ua fesootai atu iai lana uo ia Aperila o le tausaga nei.
Ona o le alofa tele o lē ua ioe i ona moliaga i lana uo, na ia pueina ai ata i lana telefoni o faila o le aiga tuaoi o loo fai le va ae lafo i lana uo mulimuli ai faasalalau e lana uo i luga o le Facebook.
Ripotia e le Herald o lea o loo faigaluega pea Watson i le ofisa o leoleo peitai ua iai faatapulaa i ona tiute, ma o Fepuari o le tausaga fou e lauina ai lona iuga.
