Ua sui le mafaufau o Kainga Ora ma o lea o le a feiloai faafesagai ma aiga i Glenholme.
O le Aso Gafua o le vaiaso fou o le a fono ai le pulega ma tagata o Glenholme e talanoa le fanua o loo manao e fau ai isi fale o le malo.
O se tasi lenei o pitonuu e lei mananao i le fuafuaga a le Kainga Ora e fau le 54 fale i Devon St ma o lea foi na leai mai le pulega e faia se feiloaiga.
O le aso 7 o le masina faatoa uma atu le uluai fonotaga na ta’u, peitai na leai mai ona o le mafuaaga e le o iai nisi tala lata mai o le poloketi e fofoga mai i tagata.
I lipoti a le Herald e foliga mai o lea ua agai i se taunuuga lelei ma ua valaau mai ai foi i le komiuniti e auai i le fono o le vaiaso fou.
