A itiiti mai pe to’a 14 tagata ua maliliu e aofia ai ma tamaiti e to’alua ina ua sasao ane se afi i se faletalimalo i le itu i Sasae o Initia i le setete o West Bengal.

E to’alua isi tagata o loo manunu’a tigāina e pei ona faailoa i lipoti a le BBC ma o loo faatalia se lipoti mautū i le mafua’aga o lea afi ma o loo galulue ai se vaega faapitoa tau su’esu’ega a leoleo.

Ua faailoa e le Palemia o le atunuu o Narendra Modi i luga o le upega tafa’ilagi o le X, ua lagona le faanoanoa i soifua ua ma’umau i lenei faalavelave ma o le a tuuina ni fesoasoani tau tupe i aiga o ē ua aafia.

Ua faamaonia foi o ē ua maliliu o malo i le faletalimalo ua lē mafai ona aga’i ese mai ma o latou potu ina ua sasao ane le afi.

Ua alia’e foi ma faitioga faasaga i le malo ona e tatau ona faatulaga ni gaioiga e faamautinoa ai le saogalemu o tagata mai ituaiga faalavelave faapea.

Puna o Faamatalaga: https://www.bbc.com/news/articles/c9w80gvykyxo