Ua faailoa e le Matāgaluega o le Va i Fafo a Initia latou te lē iloa se telefoni na fai atu ai le latou Palemia o Narendra Modi ia Trump o le a taofia lo latou faatauina o le suāuu a Lusia.
Lipotia i le BBC ua faailoa e Trump i le vaiaso nei ua mae’a ona faamautū atu e Modi ia te ia o le a faamuta lo latou faatauina o suāuu a Lusia ma o se tulaga tonu lea sa una’ia e Amerika ina ia faaopoopo ai le una’ia o le Kremlin e faamuta le taua i Ukraine.
Peita’i ina ua fesiligia e le BBC le Ofisa o le Va i Fafo a Initia i le matāupu lea, o le latou tali sa faatalanoa le matāupu ae e latou te lē iloa sa iai se talanoaga faapea i le telefoni i le va o Trump ma Modi.
O loo faatalia se isi faamatalaga mai le Fale Pa’epa’e e uiga i le matāupu lea ae o Initia e lona lua atu ia Saina i atunuu o loo aveina iai le sapalai o le suauu mai Lusia.
Puna o Faamatalaga: https://www.bbc.com/news/articles/c8eykdy0567o
