Ua molimauina e le to’atele i ata mai televise ma luga o upega tafa’ilagi, le asu tele na alu a’e mai le maugamu o Mt Marapi.
Ua faailoa o le isi taimi na pā ai le maugamu lea na maliliu ai tagata e to’a 24 sa o latou ā’ea le mauga i lea taimi i le 2023.
Ua ta’ua i lipoti na alu a’e ai le asu ma le lefulefu i le tusa ma le 4500 futu i luga a’e o le tumutumu mauga.
O loo faatulaga i le Vaega 2 le malosi o le maugamu ma ua faasā foi nofoaga o loo lalata ane iai.
Ua fautuaina foi tagata i ia faaitu e faamamao ese ma ia utagia lapata’iga mo tulaga tau le puipuiga o soifua mai le aafia i ia tulaga faalenatura tutupu faafuase’i.
E lē o ta’ua mai i le taimi nei pe iai se aafiaga o le maugamu lea i femalagaa’iga a vaalele e uia lea itu o le atunuu aemaise i malaga faavaomalo.
Puna o Faamatalaga: https://www.bbc.com/news/videos/cql6rnyqy6xo
