O le card malaga poo le travel card e $250 sa faia mo le faamāmā avega ai i le tau o le soifuaga i le atunuu mo i latou o loo ave le faaaperenitisi ma tamaiti aoga i nofoaga maotua o Niu Sa Uelese ua faailoa mai e oo mai i le taimi nei ua alu ai le tusa ma le 900 tupe Ausetalia a le au totogi lafoga mo le card e tasi.
Na ta’ua e le minisita o le alatele, Jenny Aitchison o le card lea o se vaega o se folafolaga na faia a le soofaatasi a o lei faia le palota ma o loo iloilo nei lea tulaga.
O le fuafuaga e faaaoga le card lea e utu ai penisini o taavale, totogi ai auaunaga pei o le train, taxis ma private coaches ma e oo mai i le aso ua silia ma le 6 afe tagata ua mauaina lea card ae ua ta’ua o le poloketi lea e 98 miliona o loo faaalu ai.
Fai mai minisita o tupe ia na sau sa’o lava mai le tala faatatau a le transport ma e mafai foi ona faaaoga e faalelei ai auala.
O loo faatali la le toatele poo le ā le faaiuga o le a iai pe o le a faataatia ese pe toe faaauau ae faia iai ni nai suiga.
