Ua faailoa e le NZTA Waka Kotahi o loo fuafua e faaitiitia le saosaoa e o ai taavale i luga o se magaala i Waikato lea ua matele ina tutupu ai faalavelave tau taavale.
Fai mai le ofisa lea o le vaavaai i le itu tau le puipuiga mo lea magaala i le State Highway 1 i le va o Cambridge Rd ma Piarere ma e foliga ua tatau ona tuu ane i le 80 le saosaoa faatagaina mo taavale.
Ua faaleo foi iai le lagolago a le sui pulenuu o le faaitu o Waipā o Liz Stolwyk e faapea e matuai taliaina lelei ia suiga ma ua tatau loa ona faatino.
Fai mai le lipoti talu mai le tausaga 2000 o le magaala lea pe a ma le 19km, ua ma’umau ai soifua e 29 ma le toa 97 o tagata na manunua tigaina ai.
