Na o ni nai itula na amata ai galuega a Iapani i le nofoaga tau malosi’aga faaniukilia aupito i telē i le lalolagi ae toe taofia loa e pei ona ta’ua i lipoti i le asō.
Faailoa e le BBC na faalogoina le tatagi o se faailo poo se alarm i le taimi na amata ai galuega i le itu i Mātū i Sisifo o Tokyo ma toe taofia ai loa.
O le tausaga e 2011 na aafia ai lea nofoaga i le mafui’e tele na aafia ai Fukushima ma aveesea faamalosia mai ai le silia i le 150 afe o tagata sa aumau lalata ane i lea nofoaga ona o tulaga tau le puipuiga.
Fai mai i latou o loo nafa ma le galuega o loo faatalia su’esu’ega o loo faia i le alarm sa tatagi ane.
O loo iai nisi o loo tetee pea i le toe faaolaina o lea power plant, ma e talu mai lava le 2015, sa faia ai pea galuega ina ia toe faaola mo le fesoasoani ai i le sapalai o le eletise i le atunuu.
Puna o Faamatalaga: https://www.bbc.com/news/articles/cx2yy8z91n4o
