O le alii lea sa ia faaoo le oti i le Palemia o Iapani sa iai i se taimi e le’i mamao atu o Shinzo Abe, ua soloatoa nei i le falepuipui ina ua lau lona iuga i le vaiaso nei ma lipotia mai e ofisa faasalalau i lea atunuu.
O le faai’uga a le faamasinoga ua faia i le matāupu lea na faate’ia ai Iapani i lea taimi ina ua osofa’ia lo latou ta’ita’i ma maliu ai lava i se taimi mulimuli ane.
O lē ua faasalaina o Tetsuya Yamagami, na ia fanaina Abe a o faia sana lauga i luga o se tasi o magāala i le itu i Sisifo o le aai o Nara i le 2022.
O le 2020 na faamavae ai Abe mai ona tofiga faapalemia ona o māfua’aga tau i lona soifua mālōlōina ae sa tumau pea lona aofia i matāupu faapolokiki auā o ia le Palemia aupito umi ona iai o Iapani.
Puna o Faamatalaga: https://edition.cnn.com/2026/01/20/asia/japan-shinzo-abe-assassination-sentencing-intl-hnk
