Ua iai se isi faamoemoega fou mo le faitau miliona o tamaiti Ausetalia e aafia i le tiga ma faaletonu i taliga.
O le au suesue mai le Iunivesite o Adelaide o loo latou feagai ma ni galuega o loo faatino i le taimi nei mo se tuipuipui e ono maua ai se vaifofo tumau mo le faaletonu lea i taliga.
O Anabelle Telfer sa feagai ma mafatiaga ma tiga o le faaletonu i lona taliga ma sa faamatala e si ona tina, o si ana tama e 2 tausaga ua faa 14 ona aafia le taliga i lenei tausaga ma ua lē lelei ai ana fesootaiga ma nisi faaletonu e lē mafai ona ia faamatala atu ia te ia.
O le taimi e aafia ai i infections ia o le taliga e lē toe ‘ai ma inu ma e na o sina taimi puupuu e fesoasoani ai fualaautui pe a inu ae toe foi lava i le mea masani.
O le tuipuipui la ua galulue iai le ausuesue ma saienitisi i le iunivesite o le tali lea o le tele o le mau faafitauli e feagai ma fanauiti i aafiaga i taliga.
Fai mai ua iai le faamoemoega o i latou ia e tatau ona amata faataitaiga o ia tui i tagata i totonu o le isi 3 tausaga.
