E toa 56 tagata ua faailoa mai ua maliliu ma le toatele o loo manunu’a ona o vevesiga i se malae soka i le itu i saute o Guinea ae lei leva ona maea foi lea o vevesi poo fe’ese’esea’iga i le va o le au matamata i le taaloga.
O le faigamalo a lea atunuu i le atu Aferika ua o latou faamaonia mai ia faamatalaga ma o loo faaauau le su’esu’ega i le taimi nei poo ai tonu na mafua ai lea vevesi .
E aofia ai ma tamaiti i tagata ia ua maliliu, ma i faamatalaga sa taumafai atu le vaega o sekulati e faamuta vesiga ia i le malae ua matuai faatumulia i le itu i saute o Guinea.
O le aoauli o le Aso Sa i le atunuu lea na tupu ai le vevesi ao faia le sailiga siamupini o se taamilosaga faalotoifale e faaaloalogia ai se tasi o taitai o le atunuu .
Faailoa i lipoti a le au faasalalau mai lea atunuu sa faaaoga e sekulati kasa faatagimata e faataape ai le vevesi lea ma e toatele o loo taofia i falemai i tulaga tigaina.
O videos o lea faalavelave ua agiga nei i le social media ma vaaia ai le toatele o tamomo’e ese mai le stadium ina ua faifaitetele le vevesi.
Puna o Faamatalaga: https://www.9news.com.au/world/guinea-football-stampede-dozens-including-children-killed-in-stampede-following-clashes/45792df8-8628-4223-b9fe-91a61b33383c
