Ua faamuta e le Palestinian Authority gaioiga a le Al Jazeera  i le West Bank e aofia ai ma le faia o ni faasalalauga.

Ua tuua’ia ai lea faalapotopotoga i le faasalalauina o mataupu e faaosofia ai le tetee ma faalavelavegia ai mataupu faalotoifale.

Ua aofia ai foi ma le taofia lē tumau o tusitala uma ma alaata uma o i lalo o lea auaunaga se’i vaganā ua toe faaleleia lona tulaga faaletulafono.

Ua faitioina e le Al Jazeera lea faai’uga, fai mai o le ulua’i taimi lea ua faia ai sea tulaga i le auaunaga.

Saunoa foi Netanyahu ua leva ona faaseā le malo i le auaunaga lea a le Al Jazeera ma tuua’ia o le fofoga lea o le Hamas.

Ina ua mae’a ona osofa’i e vaega’au a Isaraelu ma tapunia le auaunaga i le ofisa i Ierusalema, sa osofa’ia foi le ofisa i Ramallah i le West Bank ae fai mai le Al Jazeera o le a faaauau pea ona o latou lipotia le taua i Gaza ma le nofoia o teritori o Palesitina.

Puna o Faamatalaga: https://edition.cnn.com/2025/01/01/middleeast/palestinian-authority-freezes-al-jazeera-west-bank-intl-latam/index.html