O le a amata atu i le Aso Sa a sau nei ona aloaia le suiga o le a gata ai i le $50 i le vaiaso tupe e totogi e tagata Aukilani mo femalagaa’iga lautele.
O femalagaa’iga nei e aofia ai auaunaga a pasi, o trains faapea vaa feoai i le sami.
O le $50 e mo aso e fitu, ma e faagata i le toe tasi le minute i le 12 o le po o le aso lona fitu, a o lei toe amatalia le isi piliota lea e faitau lava i le taimi e faaaogā ai HOP cards.
O lea suiga o le a suia ai le $20 fare cap o loo iai nei i le aso e tasi ma le $230 o loo faagata ai tupe faaalu mo le masina atoa.
Na saunoaga le Pulenuu o le aai, Wayne Brown, ua matuai moomia a o tigaina ai tagata Aukilani i le taugata o le soifuaga, lea e lē gata e lē toe sili atu ma le $50 e faaalu mo femalagaa’iga lautele ae o le mautinoa foi auā le paketiina o tupe.
I se lipoti mai le Auckland Transport, e tusa ma le 8% o ana paaga o le a penefiti mai lenei suiga.
Puna o Faamatalaga: Public transport fares to be capped at $50 a week for Aucklanders (1news.co.nz)
