E ui e faigata, ae o loo lototele Dave Letele i le agai i luma.
I se ata video na tuu i luga o le Facebook e Dave o loo taua ai le gaoia o lana food bank i Manukau i Aukilani i le faaiuga o le vaiaso.
O loo maua mai ai ua leai ni meaai i totonu o le pusaaisa, ma tamato o loo taatitia i luga o le foloa.
E le talitonu Dave e mafai e se isi ona faia lea tulaga, aemaise o le fale tele o loo teu ai meaai e faasoa mo le komiuniti o moomia le fesoasoani.
E ui e le faigofie, peitai o le tele o le alofa ma le toe fesoasoani atu o tagata o le komiuniti e le gata o loo faalototele ai pea ia, ae o loo mafai ai pea ona faaauau le tufatufaina o meaai mo tagata o moomia.
