O loo galulue nei le vaega faaupufai a le Green i le faamautuina o le filifiliga o ona sui mo le faigapalota i le tausaga nei ae ua iai lipoti ua ta’ua ai o lē sa tauva mo le tofi pulenuu o Aukilani o Efeso Collins, o le isi sui lea e ono aofia ai i lea lisi e ui e lei faamaonia lea tulaga.
E lua isi nofoa o le a avanoa ane o le vaega faaupufai pe afai e litaea faipule e toalua o Eugenie Sage ma Jan Logie i le palota o le a sosoo mai ma e toa 10 faipule o le Green o loo iai i le taimi nei.
I le Herald o loo ta’ua ai se faamatalaga a Collins e tusa o le mataupu ma ia faailoa ai o loo vaavaai pea i avanoa o loo matala ane mo ia i le agai atu i le lumanai ma e lei faia lava sana faaiuga mautu ma o loo fai foi sina malologa laititi mai le polokiki i lenei taimi.
