O le faalauiloa lenei o le a faagasolo lea i le vaiaso atoa i afioaga i le motu tele i Salafai.
I upega o faamatalaga mai le Cert NZ o se tasi o vaega e patino i totonu o le Malo o Niu Sila, o se faamoemoe o loo taulamua ai ma le Matagaluega o Fesootaiga Faatekonolosi a Samoa e faatatau i aafiaga eseese o loo feagai ma le mamalu o le atunuu i le fa’aaogāina o upega tafa’ilagi, aemaise o le puipuia o ni fa’alavelave e alia’e mai i le faaaogāina o nei auala faatekonolosi.
O lenei polokalame o le a aofia ai ma le Matagaluega o Leoleo, aemaise paaga mai Niu Sila o le CERTNZ ma isi atoa ai foi ma le paaga o le Netsafe.
O lenei faamoemoe o se avanoa foi lea e maua ai e le mamalu o le atunuu e fesiligia ai i latou o loo iai tomai faapitoa e malamalama ai le faaaogaina o upega tafailagi aemaise lava i fanau oloo ua tele ina faaaogāina upega tafailagi e faatino ai nisi tulaga lē manuia.
