O le galuega fai faatasi a leoleo i Niu Sa Uelese ma leoleo mai Vitoria ua pueina ai tagata e toa 27 ma maua ai auupega i se suesuega na agai sao lava i kegi tietie pasika.
Fai mai na osofaia e leoleo fale ma taofia taavale i le Riverina ma le tuaoi i Albury-Wodonga amata i le Aso Gafua o le vaiaso nei seia oo mai ananafi.
O le suesuega ua faaigoaina Operation Blue Ember ma o isi mea na maua i le suesuega e aofia ai mea faapapa ma fualaau faasāina.
O le faamatalaga a leoleo i kegi e le mafai ona o latou sosola ese ma le tulafono e tusa pe agai ese atu i nisi taulaga maotua.
Fai mai leoleo e faigofie lava le feau e fia faailoa, ‘afai o e aafia i ni faiga faasolitulafono, o le a tuliloaina pea oe ona o le latou matafaioi lea o le puipui o le komiuniti ma ona tagata.’
