O le kolisi o Avele le nofoaga na faalauiloa ai i lenei vaiaso le polokalame o togalaau’aina o se tasi o poloketi mo fanau o loo a’oa’oina matāupu tau faato’aga ma le faasaienisi aemaise o le numela i le naunauta’iga o le faalapotopotoga o taumafa a le lalolagi le F.A.O., ia faaosofia ai le naunau o ia fanau e su’esu’e i matāupu tau faato’aga auā lo latou lumana’i manuia.
O lea poloketi o le a faagasolo i nisi o a’oga maualuga i le atunuu ma o le a galuea’ina ai e fanau togalaau e totō ai fualaau’aina taumafa mata.
