Ua silasila nei le faigamalo a Kuiniselani i se fuafuaga mo se Olympic Stadium fou e mafai ona ofi ai le 60,000 o tagata ma e faia i Brisbane mo le faamoemoe o le Olimipeka 2032 lea e talimalo ai Ausetalia.
Ua lipotia o le a iloilo lenei fuafuaga e le Kapeneta a le setete i le Aso Gafua ma ua lipotia e aofia atu ai ma se isi fuafuaga mo le nuu mo autaaalo poo le athletes village i showgrounds lava i Brisbane.
Ua ta’ua i le 9News ua manino le panel poo i latou o loo feagai ma le faatautaia o lea faamoemoe, e lē o lava se taimi e toe fausia ai le nofoaga o le Gabba e avea ma nofoaga autū o le Olimipeka lea ua faia ai loa le isi fuafuaga e pei ona ta’ua.
Puna o Faamatalaga: https://www.9news.com.au/national/brisbane-to-consider-60-000-seat-olympics-stadium/57cddba9-ac65-4772-b061-e374651807a7
