O loo vaavaai le malo e faaopoopo lafoga ua ta’ua o GST i luga o le tau o loo totogi mo KiwiSaver.
Mai ia Aperila o le 2026 o lea ua vaavaai le malo e faia lea faaopoopoga ma e ono sau ai le faitau selau miliona tupe maua mai lafoga.
O le pili lenei na folasia i luma o le Palemene ananafi, ma na ta’ua e le minisita o tupe maua David Parker, o se suiga o le a maua ai tupe maua faaopoopo a le malo i tausaga a sau.
E $225 miliona i le tausaga lea ua faailoa i lipoti a le Inland Revenue e ono sau mai lenei faaopoopoga.
A o vaavaai ai i le tupe sau, e ono siitia ai ma tau o loo totogi e tagata inivesi.
Ae i nisi o lipoti o se lafoga faaopoopo e uma ane lava ua wealth tax, poo le lafoga lea o loo ta’uta’u e totogi e tagata e maualuluga tupe maua.
Na molimau ai se tasi o sui mai le Deloitte i tala a le leitio a Niu Sila, o le a sau ai foi i lalo ma le fuainumera o tagata e teu a latou tupe i le KiwiSaver, ae mai le Financial Services Council, e lē o fiafia i le itu o loo agai iai le malo.
