Ua iai fuafuaga ua amata faatulaga mo se aso malolo i Sini pe afai e manumaloina e le Matildas le Ipu o le Lalolagi i le taaloga soka.
O le Palemia o Ausetalia na muai faaleoina lea manatu ma ua lagolago iai le Premier o Niu Sa Uelese o Chris Minns ma ua faailoa ai ma se fuafuaga o se solo tele e faia i le ogatotonu o le aai.
Fai mai le premier afai ae manumalo le Matildas i le semi finals ma manumalo i le Ipu o le Lalolagi, o le a tulituliloa se aso malolo i Niu Sa Uelese.
O lea fuafuaga e tatau ona faatino i totonu o le vaiaso talu ona mae’a le malo pe afai e faamanuiaina.
Ua faailoa o loo faatalanoa nei le mataupu e le faigamalo a le setete ma le Football Australia mo le aso talafeagai e ono faataunuu ai fua agai i fuafuaga ma le avanoa o le ‘au.
