Ua feta’ua’ina e leoleo o se alii e 20 tausaga na ia fā’ata se fana i se taavale ma fana ai ae na agai sa’o le pulu i le faitotoa o se fale i Stanley St i Fairfield i le afiafi o le aso ananafi.
E lei faamanu’alia ai se isi ae na vaaia se alii o momo’e ese mai lea nofoaga ae tuli ane e le isi sa i totonu o se taavale.
E talitonu leoleo o se osofaiga sa fuafuaina ae o le tagata e toatasi e aumau i le fale lea e lei faamanu’alia.
Fai mai leoleo i le mae’a o le tulaga lea na tulai mai na vaaia ai le taavale lea o agai ese mai ae o le tea laititi o le 5 i le afiafi lava o le Aso Sa na vaaia ai se isi taavale lanu siliva o le Mercedez na lipotia ua gaoia i le masina talu ai, maua ua susunu i Yennora.O le 20 tausaga e pei ona ta’ua atu muamua e lē o fesoasoani i leoleo i le latou sailiga lea o loo faaauau pea.
