Ua iai le fuafuaga o le a taaalo le Moana Pasifika ma le ‘au Highlanders i Nukualofa mo le uluai taimi i le tausaga fou.
Ua faamaonia mai i le autusitala lea tulaga e le franchise atoa ma le faasologa o a latou taaloga i fanua i le tausaga fou.
O isi faamatalaga ua lipotia ua ta’ua ai o Me o le tausaga fou e faataunuu ai lea taaloga.
O le tausaga nei na taaalo ai le Moana Pasifika ma le Reds i le Apia Park i le latou uluai taaloga lea ua faia ese mai ma Niu Sila ma e lei faamautuina le nofoaga o le taaloga lea ae ua lipotia o le a faataunuuina i le aso fā o Me 2024.
