O loo fuafua le kamupani vaalele a Ausetalia le Qantas o le a maua se polofiti e $2.48 piliona a le kamupani mo le tausaga faaletupe 2023 mai le lipoti o le kuata o le tausaga.

Fai mai le Qantas ua siitia pea le aofai o tagata femalagaa’i ma ua i se tulaga lelei e faamae’a ai le recovery plan a le kamupani sa faatulaga mo le tolu tausaga. 

Na faalauiloa foi e le kamupani o le a faaopopo ana shares e toe faatau ane i se isi 100 miliona ma ua matele foi ina toe foi i le tulaga sa iai auaunaga uma a le kamupani e aofia ai ma le pa’ū i le tau o le penisini o le vaalele e tatau ona faaitiitia ai foi ma le tau o pasese.

Ua mae’a sainia foi se maliega a le kamupani ma le Finnair e lisi ai isi vaalele Airbus e lua e faaaoga ai pailate a le kamupani vaalele lea.