O loo iai le faamoemoe o le vaega faaupufai a le National e latou te toe tusia le curriculum poo le polokalame tau aoaoga mo aoga maualalalo ma le vaega feololo, primary ma le intermediate, pe afai e malo i le isi faigapalota o loo loma.
I se pepa o faamatalaga ua faamatala ai e le taitai o le National, Christopher Luxon, o le suega faataitai talu ai nei o le NCEA ua iloa ai le pa’ū o le tulaga na ausia e tamaiti i le faitautusi, tusitusi ma le matematika.
Sa saunoa foi Luxon i le pressure poo le unaia foi o faiaoga i le latou matafaioi ma o lona manatu o le fuafuaga o loo sauni iai lana vaega faaupufai o le a faaitiitia ai lea luitau mo faiaoga.
O le aso la a taeao o le a folasia ai le uluai vaega o le faiga faavae lea a le National i se sauniga e faia i le Hutt Valley.
O loo ta’ua i se isi lipoti i le asō se finagalo faaalia o le Palemia, Chris Hipkins e le tatau ona aofia atu ai ma le curriculum tau aoaoga i mataupu faapolokiki.
