O loo fuafua e feiloai le Palemia o Niu Sila Jacinda Ardern ma le Tupu o Salesa, Perenise William ma le Palemia o Peretania o Liz Truss i nai aso o lumanai ai.

E lei leva nei ona taunuu le tamaitai Palemia i le UK mo toe sauniga o le Tupu Tamaitai i le Aso Gafua a sau. 

Fai mai Ardern e le o mafai ona ia faamautu mai faamatalaga auiliili o lenei feiloaiga ma o le a faailoa ane lava i se faamatalaga mai le Buckingham Palace.

Fai mai le Palemia sa auai mai Prince William i se tasi o taimi faigata mo Niu Sila i le faalavelave na tulai mai i Kalaiesetete ma o le taimi foi lenei o Niu Sila e toe faafoi ai lea agalelei.

Taua e le Palemia e lei leva ona taunuu i le atunuu ae ua ia vaaia le tulaga mafatia o tagata ona o le tuumalo o lo latou Tupu Tamaitai mo se taimi umi.