Fai mai Paul Gallen o le alii Ausetalia lauiloa foi i taaloga lakapi ma fusuaga, e leai se vaegatupe e mafai ona toe aumaia o ia mai lona litaea ua iai nei ina ia faia ai se la fusuaga ma Sonny Bill Williams.

Ua fai si leva o talitali e le toatele se aso o le a faamautu ai se fusuaga a le toalua lea, o nisi o alii iloga i le taaloga o le lakapi liki atoa ai ma fusuaga.

Ua ta’ua i lipoti i le aso ananafi e leai se taimi o Gallen mo Williams ina ua faamae’a foi ma lana ia career i lana fusuaga mulimuli ma Justin Hodges i Sini.

Fai mai Gallen e le o fiafia i le lē faia o se la fusuaga ma Williams ma ia ta’ua ai e faatalitali Williams mo se tagata seia matua ona fusu ai lea ae na te le tuuina iai le avanoa lea. 

Fai mai Gallen o le faiga lea sa faia e Williams i ana paga uma ua tuanai ae toe maua mulimuli nei i le la fetauiga ma Mark Hunt lea na faiaina ai ia ae faapea lava le olaga. 

E lei manuia taumafaiga a talafou mo se faamatalaga mai ia Williams i le mataupu lea ae e le o ta’ua foi i le lipoti se finagalo o Williams i manatu faaalia o Gallen.