O tagata talavou i Ausetalia ua ta’ua e aupito aafia i nisi tulafono fou ua feta’ua’ina o le a faia e le malo aemaise lava i le faiga ua taatele i lenei vaitau o le buy now pay later poo le faatau nei ae totogi mulimuli.
O le tulafono fou lea o le a faaaofia ai loa ma auaunaga e pei o le Afterpay ma le Zip i lalo o le Credit Act e pei ona lipotia e le Sydney Morning Herald.
O lona uiga o i latou e fou atu i auaunaga ia o le a manaomia foi ona siaki credit ma faamaonia a latou tupe maua.
E toatele nisi ua faailoa le lē fiafia i lea faiga fou ma le faamatalaga sa maua le faamāmā avega i nai auaunaga ia e togitogi ai oloa a o lea foi o le a faasā e ia tulafono fou ua atili ai ona faigata le soifuaga o tagata i aso taitasi.
O le asō ua lipotia o le a tagofia ai le mataupu lea i le Palemene.
Puna o Faamatalaga: https://www.9news.com.au/national/buy-now-pay-later-tougher-conditions-coming-for-providers-and-customers/a577e3ac-d444-460b-98f5-6bd4cdbd3aac
