E le o toe mamao se taimi ona maua lea e tamaiti aoga i iunivesite aemaise i latou o loo ave le faaaperenitisi ma trainees le 250 tala Ausetalia mo faigamalaga ina ua faia e le malo se card e faaitiitia ai le tau latou te totogia mo faigamalaga.
Na lipotia e le 7news i le asō o lea card o le a kava ai le totogi o femalagaa’iga i auala faalauaitele aemaise penisini mo tamaiti aoga, lea o loo aafia foi i le tulaga taugata o le tau o le soifuaga ua iai nei e pei ona saunoa le sui premier o Niu Sa Uelese, Paul Toole.
O i latou ia e masani ona faimalaga agai i nofoaga mamao mo aoaoga ma galuega aemaise foi ni trainings e faia ma ua ta’ua e Toole o lenei faiga ua faatulaga e faamāmā ai le avega mo i latou ia.
O le prepaid debit card la lea e mafai ona faaaoga i femalagaa’iga lautele, penisini, top up ai le opal card, totogi ai taxis, rides ma isi auaunaga mo femalagaa’iga ma e amata avanoa mo le faaaogaina i le tausaga fou.
O le a amata mafai ona talosaga mo le card lea ia Fepuari o le tausaga fou mo le au aperenitisi ae mo tamaiti aoga iunivesite e mafai ona talosaga amata atu ia Aperila.
