E le taumate ua tau maua sina mapusaga mo nai aiga na aafia i lologa i le vaiaso talu ai faasolo mai i lenei vaiaso ina ua folasia e le malo i le asō nisi o fesoasoani e le gata mo i latou ae faapea foi le aufaipisinisi.
Saunoa le Palemia o Ausetalia i le asō, Anthony Albanese o i latou e agavaa mo nei fesoasoani tau tupe mai pitonuu na aafia o le a maua se peimeni muamua pe a faamalieina le talosaga, peimeni lea e 25 afe mo pisinisi laiti ma agavaa foi mo se isi fesoasoani tau tupe pe a taliaina le talosaga. O le aufaipisinisi laiti o loo agai iai lea fesoasoani faapea ma faalapotopotoga not for profit.
Ua folasia foi fesoasoani mo tagata taitoatasi ma aiga i le tai afe tala a le tagata mo tagata matutua ma le tai 40 tala mo tamaiti.
Ua saunoa le Palemia o le a faaauau pea ona galulue faatasi ma kamupani inisiua mo ni fesoasoani mo e ua aafia.
E oo atu i le 50 afe le vaegatupe fesoasoani mo pisinisi e toe fausia ai mea ua faaleagaina mai lologa.
