Ua folafola e le vaega faaupufai a le National o le a latou aveesea tulaga o loo saisaitia ai le au faifaatoaga ma aafia ai le tamaoaiga.
O le taitai o le Itu agai, Christopher Luxon ua ia faailoa le paketi a lana vaega faaupufai ua faaigoa Getting Back to Farming lea e aofia ai ni proposals e 19.
O loo aofia ai ma fuafuaga e faamuta ai le inivesi mai o atunuu i fafo i faatoaga atoa ai ma le faaluaina o le RSE worker gap mai le 19 afe o tagata faigaluega i le 38 afe o tagata faigaluega i le tausaga.
Na ta’ua e Luxon e lautele nisi o fuafuaga ua faaagaga mo eleele ae o le puipuiga foi o le a taulai lava i vaega aupito tāua faalesiosiomaga.
Na ta’ua foi o loo mananao le vaega faaupufai e faatino ni aiaiga e faaigoa o le two for one rule ma faailoa o le a galulue malosi ia faatino mea o ta’ua i ia aiaiga fou.
