Ua folafola e le malo nisi o aiaiga fou i masini poka, o se vaega o ana taumafaiga e faaitiitia aafiaga mai taaloga faitupe.
O suiga ua faalauiloa mai ua ta’ua ai o nofoaga e iai masini poka i le atunuu ua manaomia ona o latou faatino nisi gaioiga malosi atu e faaitiitia ai le taalo tupe.
Fai mai le minisita o mataupu tau lotoifale Jan Tinetti o masini poka ua iloa e matuai tele ona aafiaga i tulaga o taaloga faitupe i Aotearoa ma ua fiafia ua iai se faiga ua faatino e atili faamalosia ai taumafaiga e faaitiitia ai aafiaga mai lea tulaga.
O lalo foi o ia suiga fou ua manaomia ai le aufaigaluega i nofoaga ia ina ia faia trainings poo aoaoga mo le tomai e faatino ai le galuega.
E silia ma le afe nofoaga faapea e iai masini poka ma le toeititi 16 afe masini o loo faaaogaina nei i totonu o papu i le atunuu.
