Ua folafola e le malo nisi o faiga fou e salia ai i latou o loo latou faaaogaina tagata malaga mai i le atunuu e faigaluega ai (migrant workers).

O le pili ua faaigoaina i le faaperetania Worker Protection Bill ua faia ina ia faamalosia ai faasalaga matou e faia ia tulaga aemaise o le faalauiloa o ni polokalame fou e aoaoina ai tagata malaga mai i Niu Sila e faatatau i o latou aiātatau tau galuega.

Saunoa le minisita lagolago mo fale faigaluega ma le saogalemu, Priyanca Radhakrishnan, o le pili lenei o se faiga ua faatulaga e faamuta ai faiga ia ua soona faaaoga ai nai tagata malaga mai e saili galuega.

I lalo foi o le pili lea o le a faalauiloa ai ma se lesitala faalauaitele mo tagata ma pisinisi e faamaonia moliaga o le faaaoga o tagata faigaluega ma nisi o faasalaga e faia pe a le utagia aiaiga. O le vaiaso nei lava na folafola mai ai e le malo le isi 3 afe o avanoa faigaluega i le RSE scheme.

O se fuafuaga ua faailoa ai le faafetai o sui o nisi o vaega faaupufai ae fai mai a latou afai ae le tagofia mataupu e faafaigofie ai ona faafaigaluega nai nei tagata, o lona uiga o le a faaauau pea lava ona feagai ma faigata.