O le Aso Toonai, 10 o Tesema lea ua fofogaina e le Palemia Jacinda Ardern o le a faataunuu ai le bi-election mo le faaitu o Hamilton West.
E mafua ona toe faatino le faigapalota lea ona o le faamavae ai o le faipule tutoatasi o Gaurav Sharma i le Aso Lua. O le aso mulimuli mo le faauluina o suafa o sui e fia tauva o le aso 8 o Novema ae o le Aso Lulu, 21 o Tesema o le a faalauiloa aloaia ai iuga o le palota.
O le asō ua aloaia ai le aveesea o Sharma mai le vaega faaupufai a le Leipa ae ua faailoa foi e le lipoti mai le One News se faamatalaga a Sharma o le a faatu lana lava vaega faaupufai.
