O le asō foi lea e toe talanoaina ai le mataupu faaumiumi a le faigamalo a Niu Sa Uelese ma iuni o tagata faigaluega i auala o femalagaaiga lautele.
O se mataupu o le a fofogaina i luma o le Fair Work Commission ma o le a saunoa ai sui mai vaega uma o loo aofia i lenei mataupu ua leva ona tulai mai i le setete.
E lei leva atu nei ona folafola e le Premier o le setete le ono faaleaogaina o maliega tau galuega, enterprise agreement ma agai ai loa sui o le iuni e talosagaina le fesoasoani a le Komisi i le mataupu lea ma finauga faaumiumi o loo faia pea.
