A o tapena le asosi o tama ma teine tuai o le Felela Malisi e faailoga lona selau tausaga talu ona faavaeina i Samoa lana faalapotopotoga, o se tasi o tapenaga tāua ua molimauina, o le tofu sao o fale poo houses sa iai tama ma teine tuai a o a’oa’oina i a’oga ma kolisi a Sagata Maria ma Sagato Iosefo.
O se tasi o fale le lanu Samasama a Darnand Avila sa faia se latou sailiga seleni i le kalapu a le Ailao Afi, ma maua ai le 15 afe tala ua tauaao atu i le Pelesetene ma le asosi a le Malisi auā le faailogaina o le selau tausaga i le masina o Iulai.
O le Pelesetene o le lanu samasama o le Darnand Avila, le afioga Peseta Paulo Stowers.
O le fono a le asosi a le Malisi i le afiafi o le Aso Lulu na faailoa ai nisi o ana tapenaga mo le selau tausaga e pei ona aofia ai ma se koneseti o taleni o le musika, o le a faafiafia ai nisi o alo ma tamafanau lauiloa a le atunuu, aemaise o nisi foi o tama tuai o le Malisi ua tauaveina nisi o tofiga i ekalesia o loo tapuai ai, ae e talenia foi i le musika.
Faaalia ai le faafetai o le Pelesetene i le foai e 15 afe ua saga mafanafana ai tapenaga o le selau tausaga talu ona faatuina le asosi o tama ma teine tuai o le Felela Malisi.
Le afioga Tuatagaloa Aumua Ming Leung Wai, o le Pelesetene o le asosi a le Malisi.
