O le tagata aupito mauoa i Niu Sila o le pilionea o Graeme Hart lea sa lagolagoina le campaign a Wayne Brown lea ua tulai mai nei i le tofi pulenuu o Aukilani ma sa ia foaiina ai le vaegatupe e 58,265 mo lea faamoemoe.
Ua lipotia e le Stuff i le aso o le foai lea sa faaauala ane i le kamupani a Hart le Rank Group.
O nisi o faamatalaga tusitusia ua ta’ua ai o Hart le isi tagata e aofia ai i tagata mauoa e toa 200 o le lalolagi atoa ma sa ia foai foi muamua i le pati a le National, NZ First faapea foi ma le ACT.
O le faalauiloaina faalauaitele e le pulenuu o tagata na foai atu i lana taumafaiga lea ua iloa ai ia faamaumauga.
O isi foai tetele e fa vaega o loo faamauina ai sa maua ane mai le kamupani a le IEF International Education Fund o se ofisa faufautua tau femalagaa’iga e iai ona ofisa i Aukilani, Macau ma Hong Kong ma a tuufaatasi e oo atu i le 86,825 tala Niu Sila.
