E $16 miliona le isi fesoasoani faaopoopo a Niu Sila mo Ukraine.
O le tala mai lea i le taeao nei a o iai le Palemia o Niu Sila, Christopher Luxon i fonotaga a le NATO lea o loo iai i Uosigitone i Amerika.
O le $6 miliona e alu lea agai i le militeli ae o le $10 miliona e fesoasoani ai i tagata.
O le $16 miliona faaopoopo ua faailoa nei ua silia ai nei ma le $130 miliona le fesoasoani a Niu Sila mo Ukraine talu mai ona ave faamalosi e Lusia mai le 2022.
Na ta’ua e le minisita o le va i fafo a Niu Sila, Winston Peters, e solitulafono pulega a Lusia o loo faia nei ia Ukraine.
E ese mai i fesoasoani tupe, ae o se taimi o i luma ona faailoa lea o isi sā fou a le malo o Niu Sila e faia faasaga ia Lusia, ma o sā nei e faasaga i tagata taitoatasi faapea pisinisi o loo lagolagoina le militeli.
Puna o Faamatalaga: New Zealand pledges further $16 million to Ukraine (1news.co.nz)
