E fā loli mo le tautua a le vaega fuimu i le pulega o tineimu ma faalavelave faafuase’i, ma le taavale fou e faaaogā i le togafitia o nifo poo oloa ua faameaalofa mai e le Malo o Iapani mo le tatou atunuu.
O loli fuimu e fā o ni meafaigaluega tāua tele mo lea auaunaga aemaise lava i taimi o ni mu ma e tusa lo latou tau ma le $760,000 afe tala.
O le tau atoa lea o loli e fā ma nisi o meafaigaluega mo lea auaunaga a le Malo.
O le taavale e fealua’i i nuu ma afioaga e faatino ai le siakiina ma le togafitia o nifo poo oloa e 2 miliona 4 selau afe tala lona tau.
O Iapani o se paaga totino a le Malo o Samoa o loo auala mai ai nisi o foa’i ma fesoasoani e lagolago i le tatou Malo mo nisi o galuegafai auā le manuia o o tatou tagata.
