E 252 afe tala le tau o le foai a le Malo o Ausetalia mo le ofisa o le komisi o faigapalota, e pei ona tauaao ai e le Komesina le faauluuluga o lea ofisa tāua o le Malo, masini komepiuta ma nisi o masini mo fesootaiga faatekonolosi.
Ua faaalia e le Komesina o faigapalota le afioga Tuiafelolo Alexander John Stanley o le tāua o le foai a lea Malo ona o ia masini o le a faaaogā i le galuega o le lesitalaina o tagata palota.
O se foai ua aofia i totonu o se polokalame fesoasoani a lea Malo mo Samoa i totonu o le lua tausaga lea e silia i le lua miliona tala lona tau aofai.
O le Komesina Maualuga o Ausetalia i Samoa sa ia tauaao lea foai a lona Malo i le Komesina o faigapalota ae molimauina e nisi o le pulega o le ofisa o le komisi o faigapalota faapea le ofisa o le Malo o Ausetalia i Samoa.
