Ua umi tele ona tatali tagata galulue i le soifua maloloina i totogi o aso malolo na fai mai o le a toe faasa’o mai, peitai o lea lava e leai se mea.
E tusa ma le 12 sui o le faalapotopotoga a tausi soifua a Niu Sila i Kalaiesetete na tutu ma fu’a ananafi e faafesagai ma le emergency department a le falemai tele i Kalaiesetete, ma tauvalaau le tele o tausaga o faatali pea mo se tali.
O le lape lenei na aliae ina ua suesue e le sui o le matagaluega o pisinisi le faiga o loo fai ai totogi a pulega faaitumalo a le soifua maloloina poo District Health Boards na iai i tausaga ua alu pe a faatusa i le tulafono.
Finau a nisi o sui na iai ananafi, ua valu tausaga o faatali se tali.
O se faamaoniga mai le sui o le faalapotopotoga, e silia ma le 302,000 tagata o loo nofo aitalafu ai pulega a le soifua maloloina, e tusa lea ma le $2 piliona.
Ae mai le sui o le matagaluega a le soifua maloloina, o loo galulue nei i le vave e toe totogi mai ai totogi o aso malolo e lei sa’o ona fai.
Leai se aso mautinoa ua faailoa mai, ae na ona fai mai o le masina o Novema lea o loo vaavaai iai.
