Ua lipotia e iai se isi maliega fou tau puipuiga ua sainia e Fiti ma Amerika a o faaauau pea faamatalaga e faatatau i popolega ia Saina.

Faailoa i lipoti a le RNZ i le vaiaso nei o le feiloa’iga a le Palemia o Fiti, Sitiveni Rabuka ma le sui mai le malo o Amerika i se faletalimalo i le itu i Sisifo o Fiti i le faai’uga o le vaiaso ua sainia ai lea maliega.

Ua folafola ai o le a tuuina ane e Amerika le 5 miliona e fesoasoani i le militeli a Fiti ma saini ai le maliega lea e faafaigofie ai ona fesoasoani mai Amerika ia Fiti i ni tulaga o ni faalavelave faafuase’i e ala i le sapalaia o mea mana’omia pei o suāuu ma sapalai o mea e mana’omia mo le soifua mālōlōina.

Ua ta’ua foi o le isi vaega o le maliega o le fetuuna’i lea o aiaiga mo le malaga ane o le militeli a Amerika i Fiti.

E iai faamatalaga o loo feta’ua’ina e lē na o Fiti o loo faia ai ia maliega a Amerika ae iai ma isi atumotu o le Pasefika. 

Puna o Faamatalaga: https://www.rnz.co.nz/international/pacific-news/534847/the-us-and-fiji-have-signed-a-new-defence-pact-as-tensions-rise-in-the-pacific-amid-concerns-about-china